بسم الله الرحمن الرحيم


ماذا لو علمت أن هناك فتاة تتمناك زوجا ...؟ --------------------------------------------------------------------------------



بسم الله الرحمن الرحيم



ماذا لو علمت أن هناك فتاه تتمنـاك زوجا...... ؟


نعلم بأن الكثير من الرجال قد يعجب بفتاة ثم ما يلبث ان يخطبها ويتزوجها ويحقق الله مراده...


ولكن هل تعلمون بأن هناك الكثير من الفتيات يقدر الله عليها بأن تعجب بشخص سواء لدينه او اخلاقه او سعة ادراكه.....الخ من الصفات التي تكون كافيه بأن تجعلها تتمناه زوجاً !...



فالحب والكره والموده من الله سبحانه وتعالى لم يختص بها جنس معين ....


ولكن في مجتمعنا الحالي نجد ان هذا الشيء مرفوض كون ان فتاة تتمنى الارتباط بشخص ما ...فهي تعلم يقين العلم انه ان لم يكن يفكر بها فهو بداية طريق عذاب لمشاعرها.... !


ماذا لو علمت بأن بنت عمك او خالك او احدى اقرباءك او معارفك تتمناك زوجاً؟


هل ستصغر في عينيك كونها قد احبتك ؟..


ماذا لو ان هذه الفتاة ارادت لفت نظرك لها بأي وسيله سواء بالتلميح لاحدى اخواتك او حتى ارسلت لك رساله وقالت لك انا معجبة بك بسبب تدينك او اخلاقك ...

واريد الارتباط بك على سنة الله ورسوله .............
بصراحه ماذا سيكون موقفك؟؟؟؟
وكيف كنت تتمنى الطريقه التي تشعرك برغبتها بالارتباط بك ؟
عجبني الموضوع فاحبيت اكتبة للمناااقشة


تقبلو تحياتي

اولا شكرا يا مني علي السؤال دا
هو دينيا كون ان بنت تعجب بشاب و تتمناه زوجا علي سنه الله و رسوله مفهاش اي حاجة و خير دليل علي ذلك زواج الرسول صلي الله عليه و سلم من السيدة خديجة
اما تقاليد مجتمعنا بتمنع البنت من انها تقول كدا و يكون راي ناس كتير ان البنت اللي تعمل كدا يبقا كذا و كذا
انا من رايي انا ان لو بنت قالتلي كدا و هي اخلاقها و تدينها كويسين وانا اعجب بيها انا كمان..... يبقا مفيش مشكلة ارتبط بيها ..

انا كبنت ارى انه من الصعب بل من المستحيل على البنت مهما كان إعجابها بالشاب ان تقول له ولكن أردت ان اعرف رأيكم لو حدث هذا ماذا سيكون رد فعلكم ولكن هذا ليس لانه حرام وخاصة انها تقول له فى أطار الادب وليس بطريق مباشر ولكن لا اعلم لما رأى هكذا
بس أكيد فى بنات تقدر تعمل ده فى أطار محترم وهذا كما قلت ليس عيب ولكن المجتمع يرفض هذ
كل الشكر لك اخى على ردك الذى أسعدنى كثيرا

فعلا يا اخى حياء البنت يمنعها ان أستطاعت ان تقول فحيائها يجعلها تقول هذا بطريق غير مباشر
كل الشكر لك

والله انا مش عارفة فين المشكلة في الموضوع دة؟؟
يعنى العيب للبنت المفروض يبقى عيب للولد مايصحش نكيل بمكيالين
مجتمعنا هو الى بيضع قيود على البنت حتى لو في حاجة حلال
زى مثلا زمان الصحابة كانوا بيخطبوا لبناتهم و الدين بيحث على كدة
دلوقتى اللى يخطب لبنته دة ان كان في اصلا يبقى مجنون و معندهوش كرامة
مع ان الصحابة كانوا بيعملوا كدة
بس احنا للاسف في مجتمع منحاز للذكور جدااا و في كل شيء
حتى في الغلط و الحرام بيقولوا من حقه و البنت يمسكولها السكاكين
في موضوعنا دة بقى
انا شايفة انه البنت ليها حق تعبر عن مشاعرها زيها زى الولد
بس بشرط انه تكون بطريقة محترمة فيها حياء و ادب
مش تروح لواحد تقوله انا بحبك و مابنمش الليل
لا غلط كدة ... تقولهاله بطريقة كويسة مفيهاش جراة علشان تجبر اللى ادامها انه يتقبلها بل و يسعد بيها كمان
و مش عيب انها تقول لواحد انا عاوزة اتزوجك و ربنا يجمع بينا في الحلال
المشكلة اصلا انه صعب على البنت انها تعمل كدة لانه مجتمعنا بيقيد البنت في كل شيء حتى في حقها في التعبير عن حبها و مشاعرها
انا مش ولد....بس رايي كبنت مادام البنت هتعبر عن مشاعرها باسلوب محترم يبقى مفيش مانع ابدا

تحياتى اولا

وثانيا موضوع ان بنت تعجب بشاب فدا اصبح عادى جدا ولكن الغير عادى ان تطلب منه الارتباط دا صعب شويه على شرقيتنا
مع تمنياتنا لكل فتاياتنا بالسعاده

كل الشكر لك اختى لردك
الاختلاف فى الرأى لا يفسد للود قضية

أختى سالى معك حق فى كل كلمة قولتيها ولكن انا بقول انا من الصعب بل من المستحيل ان تعبر عن هذه المشاعر وهذا ليس حرام ولكن هى ستكون منتقضة من المجتمع ولا يوجد احد يتقبل هذا منها ليس لشئ غير كونها فتاة
تقبل تحياتى اختى

طيب كونها تعجب بشخص ولا تعبر عن هذا فأنه شئ صعب والاصعب انها تعبر عن مشاعرها
على الرغم ان هذا متاح بدون أدنى مشكلة لشباب
تقبل تحياتى

المشكلة تكمن فى انها هل تستطيع ان تقول له ام لا
تقبل تحياتى

انا عرفة ان حضرتك تقصد هذا
والله لا اقصد شئ انا فقط بأكد على ما قلته فقط
ولم اقصد أى شئ يضايقك
عامة انا متأسفة لو فهمتنى غلط
تقبل عذرى

يعنى هو رفضها لمجرد انها لا تعجبه أم لجرأتها فى إعجابها بيه
طيب حضرتك مقلتش وجهة نظرك انت لو فتاة قالت لك هذا ماذا ستفعل؟؟؟؟

كل الشكر لك على ردك

و أنت الواحد ما يعرفش يهرج معاكي أبدً

أنا بصراحة ما فهمتش غلط
أنا فهمت صح
بس كنت بستهبل

و بردة البنت مايصحش تقول لولد أنها عايزة تجوزه
عشان لو رفض شكلها هيبقى وحشششششش
لو هتموت عليه خلاص بعني
تعمل زي ستنا خديجة

كل الشكر لك على روحك الجميلة
وعلى أهتمامك
تقبل تحياتى

نوارة حبيبتى
كل الشكر لكى على ردك
انتى لاقيتى الموضوع ده مستخبى فين
تقبل فائق احترامى

على فكرة أحب أسجل إعجابي بمواضيك
اللي فعلا في كتيييير منها بلاقيها بتمس حجات كتير جوايا ويمكن عشان كدا
مش بشارك كتييير فيها ودا لأني ببساطة مش هخلص كلام فيها


بالنسبة للموضوع دا
أنا بكل صراحة كان ليه تجربه قاسية جدا بسببه أنا للأسف مش بعرف أجرح أو أصدم حد
وبقول للأسف عشان اللي حصل بعد كده بسبب الموضوع ده حياة بنت تقريبا بقت مدمرة مع شخص تاني
وانا الاحساس بالذنب لأني ما كنتش قادر أقولها
إني مش قادر أحس بيها ودي عقدة الذنب الوحيدة في حياتي

أنا والحمد لله متزوج ومنتظر بيبي وسعيد مع زوجتي جدا
فيما عدا اللحظات اللي بتحاول التانية الاتصال بي بحس إني لو ما ردتش عليها بقتلها ولو هرد
هتبقى خيانة لمراتي اللي بحبها ودا بالرغم إني ما بخبيش على المدام حاجة من الناحيه دي وهي متفهمه الموقف
ومش لاقيلها حل

الصعوبه إن البنت تطلب الارتباط بولد
مالوش دعوه بالاخلاقيات ولا بالحرام والحلال
الموضوع في مين اللي في إيديه القرار


لكن لو الافكار إتلاقت في نقطة ان كل منهم يكون واثق في مشاعر التي
ساعتها مش هيبقى طلب قد ما هيبقى تشجيع على التقدم للأرتباط
والتوفيق والسعادة للبنات كلها

كم يسعدنى ويشرفنى كلام حضرتك
سعدت جدا ان مواضيعى تنال شرف اعجاب حضرتك

انا رأى بعد اذنك
ان حضرتك لو كنت قلتها من البداية انك لا تحبها هى قد تجرح فى البداية ولكن سيكون الجرح والعذاب اقل كثيرا من الاستمرار الذى يعطى لها الامل من يوم لاخر
وجهة نظر قد تحتمل الصواب او الخطأ
واسفة لو ده تدخل منى
كل الشكر لحضرتك على ردك الذى اعطانى شرف كبير

معك حق حضرتك
المشكلة حقا ان الفتاة من البداية تختار شخص خاطئ
انا متأسفة جدا على تأخير الرد على حضرتك
تقبل فائق احترامى

شكرا يا منى على الموضوع الجميل

انا لا ارى عيب او نقصان من البنت فى ان تحب شاب وتطلب بطريق غير مباشر بما لا يجرح كبرياءها وكرامتها الارتباط به

وقد مررت بهذه التجربة مرتين ولانه لم يكن لدى اى رغبة فى الارتباط فقد كنت صريح مع الرسول وانتهى الموضوع وبقيت كل منهما بنفس القدر من المعزة والاحترام لدى

اما النقطة الاهم فى موضوعك هو هل احسنت البنت الاختيار ام لا ؟ هنا يكون باقى الحكاية فان كان الشخص ممن قال عنه نبينا الكريم نرضى دينه وخلقه فهذا لن يؤدى الى اى ضرر فان رفض فسيظل المضوع فى طى الكتمان وان اختارت شخص سئ الطباع فعليها ان تتحمل وزرها

ونفس الشئ ينطبق علينا كشباب فى الاختيار ايضا


وانا اوافق سامى الرأى فى الارتباط التقيلدى

متشكرة جدا لحضرتك
كلام حضرتك كله صحيح
المشكلة قد تكمن فى اختيار الفتاة للشخص الخاطئ
تقبل فائق احترامى وتقديرى