كلام جميل جدا يا فؤاد

بس انت بتسأل عن حق الاهلي في ايه بالظبط؟
حتي لو اللاعب رغبته في الاهلي فعلا..لكن بيمضي ورقة يقول فيه ان رغبته الزمالك

هتعمل ايه يا اهلي؟

ولما يكون اللاعب رغبته الاهلي..زي حسني عبد ربه واسلام الشاطر وهاني سعيد وبركات والنحاس واحمد فتحي واحمد حسن وخالد بيبو ومعوض
لازم يطلع عينه هو واللي جابوه....لان هنا مسمهاش رغبته...ما ينفعش تبقي رغبته خالص.. ممنوع
اسمها الاهلي اغواه بالفلوس...ولولا كدة ..كان اللعيب يا اما راح الزمالك..يا اما قعد مطرحه مخلل في الاسماعيلي

يبقي حق الاهلي ايه ويعمل ايه؟
همة بقدرة قادر قررو ان لا يوجد لاعب في مصر بالكامل ممكن يكون له طموح ورغبة في الانتقال للاهلي... مايصحش يعني...تيجي ازاي دي؟ هو الاهلي دة نادي حد يروحله؟
الفلوس بس هي اللي بتوديه الاهلي

هتعمل ايه يا اهلي؟

اعتقد ان سؤالك يا فؤاد ممكن يكون صحيح في اي حتة في العالم المحترف وله اجابات واضحة جدا
الا في المحروسة...لان الجعجعة هنا
هي الكل في الكل

حتي لو أذنت في مالطه هيقولوا لك هكذا وجدنا آباؤنا كارهون للأهلي و نحن علي الدرب ليوم الدين. طب اسال ليه ماحدش يعرف.